You are currently browsing the archives for May 2010.
Displaying 1 - 5 of 14 entries.

Peninsula Hotel

  • Posted on May 12, 2010 at 9:32 pm

其實只係想記低呢間酒店既野咋, 無咩想特別寫低….我對呢間酒店既所有安排都好滿意, 令我有一個難忘既一日!

First Day of Mrs. Lui + 回門

  • Posted on May 9, 2010 at 11:59 pm

尋晚當所有人都走左之後, 我地有room service, buy cialis 再食再飲! 哈, 我真係醉左, 老公講返俾我知我好似傻瓜咁喺房走黎走去, 好似小飛飛想學飛咁! 跟住我就醉咗loo…
起身又係room service, OMG, 好豐富既早餐! 我都未瞓醒就係咁食了, 所有野都好好味…晨早仲有支香檳添! 老公好細心咁執晒所有既野, 我地兩個都好唔捨得咁就離開半島搭的士返屋企啦!

原來老公前晚無發覺我放左張咭喺櫃度…wowowow, 激死人啦, 仲諗住佢自己一個睇左先添! 佢一定係緊張得濟, 又或者忙著諗下仲有咩未做…哈哈…

返到屋企梳洗完, 又瞓個晏覺, 執埋野跟住又準備出去啦! 今日係母親節, 我地特別揀埋今日做回門, 但係因為哥哥要半夜走, 所以我地就揀左葵芳美心食飯啦! 有好多人, 婆婆, 姨姨一家, 五舅父一家, 四舅父一家, 七舅父一家同埋我一家! 因為已經結左婚, 我同Marcus就咩都唔理, 大吃大喝loo!! 姨姨整左個大蛋糕, 好味到呢! 我地預備左兩束靚花送俾婆婆同媽咪, 佢地都好surprised同開心! 跟住食完媽咪就車哥哥去機場, 哥哥又搭零晨機, 聽日又要返工了! 辛苦晒! :)

Wedding Day – Banquet

  • Posted on May 8, 2010 at 11:59 pm

換左套桃紅色既晚裝, Amy幫我梳咗個好靚既頭, 估唔到我D頭髮咁長喎, 完全唔洗駁髮! 呢套衫有D日本既感覺, 用黎斟茶用, 唔洗著紅色咁傳統! M2本身有間用黎斟茶既房, 因為朝早唔係斟咗好多親戚, 所以夜晚就比較忙了…不過都好開心, 因為每個長輩都送上祝福. 嫲嫲都有黎, 不過因為唔想佢太夜返老人院, 我斟完茶佢就返去了, 見到佢都好開心呢! 最感動既係斟俾丈公同姑婆既時候, 佢地攪到我喊了…”做夫妻的, 最緊要係相敬如賓”! 講得好, 我明白點解你地咁恩愛了! Bosco & Peggy無諗過我地都會斟茶俾佢地, 佢地好開心, 好感動! 你地係Marcus同我都好尊重既人, 當然要斟茶啦!

斟完茶成班女人一齊影相, 又影返姊妹續個同我講祝賀既說話, 多謝妳地既幫忙!

其實切蛋糕之前都係不停咁同所有既親戚朋友影相, 我又唔累喎, 只係好開心同興奮, 又唔係好理儀態, 不過就知Marcus同Vincent就比較緊張….多謝你Vincent, 今日無左你都唔知點算了! 好兄弟!

5:30pm度就切蛋糕了, 所以我去換左一套紫色既晚裝, 梳左個我自己都估唔到咁靚既頭! 因為忙著斟茶, 所以切完都無食到個蛋糕, 但係大家都話半島個fresh fruit cake正到無朋友, 哈! 其實臨時臨急叫左Karina同Vincent無MC, 哈哈, 嚇到佢地, 唔好意思, 其實只係開始既時候講幾句, 所以佢地就忙著對稿!

好啦, 要入席啦, 我都要去換我條好靚既Rosebay小拖尾婚紗了! 心情突然緊張起黎, 哈哈, 因為大家既焦點又放晒喺MV身上ma!
多謝朱同Jeanne將Yin既歌曲演得完美, 好好聽, 真係好warm! 我同Marcus一路聽一路等, 突然間諗諗下好似要行啦喎, 首歌唔係好長咋 (事後Jeanne話好彩佢地醒repeat多一次!哈哈哈!呢D咪叫專業音樂人囉!)
上到台切個蛋糕(原來真係有一部份係軟可以切得落ga!!), 祝個酒就要講野啦…Well, 其實我無預備過, 無諗過要講咩, 所以我只係好短講左幾句, 我差d喊左出黎添:
“首先多謝大家嚟臨我同Marcus既婚禮….今日係我最開心既一日, 多謝大家同我一齊分享呢個喜悅, 我同Marcus會好努力去建立我地美滿既家庭…咁今日招呼唔到, 多謝大家!”
跟住就輪到Marcus啦, 佢好緊張呢:
“大家好大家好…今日係我最緊張既一日, 咁亦都得罪左最多朋友既一日, 最親既可能得罪最多…要講句唔好意思…咁大家招呼唔到, 隋便飲多杯!”

接著就開席啦, 整晚既餸菜都好好味, 我同Marcus當然有坐低慢慢享受啦, 其實好casual, 大家都可以隨意傾計影相. 不過半島真攪笑, 佢既背景音樂點幾會咁難聽, 仲諗住都係D愛情piano music啦, 都唔係既, classical music….我地無整到成長片段, 不過就整左拍拖片段啦. 每樣我都有食, 幫我嗰個女仔真係好細心, 我都未話凍佢就拎條scarf俾我, 我去換衫又跟住我, 我影相佢又幫我拎花球! 我食到中段又去換衫, 都係換返桃紅色嗰條, 因為有好多賓客都未見過. 因為都有朋友無出席朝早既行禮, 所以都播左今朝既片段, 不過剪片就好爛了, 有好多位都知係做作出黎呢…哈哈哈…

今晚有咩食? 睇下相就知了…

差唔多完啦, 我都換左湖水藍既晚裝, 周圍同親朋好友傾計, 希望大家都有個愉快既晚上, 我…無飲醉ga! 哈哈! 接住就係送客了, 我已經開始豪氣起黎, Edith姐姐又錫我, 阿欣又攬住我, 妹妹又喊, 我知有好多人都好錫我, 我真係好有福! 多謝每個出席既人, 幫過我既人, 我好開心, 好感動, 好難忘, 無言感激!

終於完了, 兄弟姊妹一齊幫手執埋D野上房, 跟住當然係我地成班喺房飲餐飽啦, 多謝半島送既香檳, 我都唔知自己飲左幾多啦, 仲之我只係知道好醉好開心啦!! 哈哈, 雖然醉, 但係都要做埋正經野, 點好D衫呀, 禮物呀, 跟住兄弟就幫手拎去媽咪車了!

I love you all, I thanks you all the help, your love buy cialis and your blessings!
I’m married! I’m Mrs. Lui!!!

Wedding Day – Afternoon

  • Posted on May 8, 2010 at 5:15 pm

1:30pm 我地坐返架車返半島酒店. 一路行入去酒店, 一路都有人望住我, 哈哈, 我諗因為我著住一條超大尾既婚紗啦! 間房好大好靚, 一入去就有兩個椰子迎接我哋, 根住仲有鮮花同朱古力, 好sweet既感覺!

兄弟姊妹同家人都去左鴻星海鮮酒家食lunch, 之前都同佢哋講左我地兩個都要休息一下, 所以麻煩佢地自己搵節目, 哈哈! 而我同Marcus就留喺酒店影相. Amy好快手又幫我轉個妝, 佢真係好好, 又細心又快手, 原來佢幫我地喺church執返D唔係佢既野, 佢話一定有用既, 拎左先無衰! 佢同我講唔好瞓眼覺呀, 連恰一恰都唔好, 因為唔知咩原因咁樣個黑眼圈一定走晒出黎, 用咩concealer都無用ga!!! 嘩, 咁點算! 都要捱啦, 要靚呀ma! 當我轉緊妝既時候, HM 同Issac就喺咁影相…

整完個妝之後就開始影相, 其實有D似影pre-wedding咁, 要擺下pose, 作下狀咁啦, 哈哈, 仲要我扮返朝早好期待既樣, 又要扮型, 又要含情脈脈咁望….wakakaka….都幾開心! 最開心係可以拎住結婚B一齊影相!
  

本身都有諗住出去酒店影下相, 不過其實真係要抖一抖, 如果唔係夜晚就會好攰…所以影到3點度就叫HM佢地去抖下…佢地一走, 我就換返衫了!!!!! 嘩!!!!個girdle真係堅, 鬆左個個種感覺常人真係唔明白, 點解以前既人會受得住日日著呢?!!! 真係舒服, 不過諗起夜晚又要著過, 唔理啦…抖抖先!! :P

妹妹食完飯幫我哋買左個炒飯, 都幾好食喎, 不過都無食晒….Jeanne同Edith食完飯行左一陣都返左黎, Bonnie就去左同Annie佢地探Queenie既BB….家人就去左high-tea….Marcus就無抖啦, 佢又要跟deco啦, 又要跟物資, 一個好盡責同細心既老公, 真係世間難求!

我突然收到莊莊個妹妹既一個sms, 佢祝賀我, 我終於忍唔住喊咗出黎, 因為我好感動, 彷彿係莊莊祝福我咁! 我的好朋友, 其實我都好希望你可以黎! 我唔想大家擔心, 亦知道如果大家一問我一定喊得仲勁, 所以入左洗手間, 點知Elaine撞咗入黎, 就只有佢一個見到我喊了….

去到4點, Amy又返黎啦, 我既姊妹同家人都返晒黎啦, 又開始扮靚靚預備夜晚既環節~ 大家都對間suite讚不絕口, 真係好靚!
我淨係見到Marcus上上落落, 見到佢咁落力真係感動, 知佢好攰, 亦知佢一定唔會抖, 甜! 淨係知道deco Jacqueline 同Samantha未整完就走左, 所以急call佢地返黎, 其他野半島安排得妥妥當當!

5點, 要換衫啦! 嘩, 7個女人一齊換, 勁!!! 我又再著起個girdle, 哈, 好彩食完飯都仲fit到! 大家好快手咁換完衫就開始落去預備斟茶, 唯獨我哥哥同Daddy仍然姿姿整整咁…哈哈!!!

Wedding Day – Ceremony

  • Posted on May 8, 2010 at 3:00 pm

11:00am開始儀式. 我行出少少等待, 瑤瑤一見到我好似怕怕地, 可能因為未見過, 我又好高又有紗, 即刻扭計, Ethan就好乖! 多謝Dorothy幫我做MC, 仲要我咁遲先通知佢, 佢功課忙都幫手, 真好! 一開始係花仔花女行, 呢個瑤瑤當然係扭扭扭啦, 所以多左個花媽(阿朱)拖住佢地兩個行….幾步一跌, Ethan不知幾無奈

原來著住條又長又重既婚紗係好難, 大家都知我不嬲都唔著高跟鞋同裙, 一步一驚心….Daddy叫我行快D, 但係音樂感指示我要跟拍子行, 攪到好好笑, 因為我要保持靚靚, 又要叫Daddy慢D慢….又踩住條裙, 那刻真係想”揪”起條裙行, wakakaka! March-in係Canon in D, 多謝你地, 好好聽! 一路行一路見到好多好耐無見既朋友, 好感動, 不過我只係想笑, 無喊既感覺! 但係行到最後, 見到Marcus既時候….嘩, 真係要深呼吸幾啖, 真係差D喊左出黎, 又見到Karina都開始喊, 真係少D功力都唔得! 慢慢行上台, 預備好諾神父就開始主持

好開心Carl幫我讀經, 佢同我講佢練左好耐, 日日都會讀一次俾佢老婆同囡囡聽, 仲要佢囡囡答佢添!!! 哈哈….好感動!
我揀左聖保祿宗徒致格林多人前書 (13:4-8):
弟兄們:愛是恆常忍耐的、慈祥的。愛不嫉妒,不誇張,不自大,不作無禮的事,不自私自利,不輕易動怒,不計較別人的過錯,不喜歡不義,只喜愛真理;愛,凡事包容,凡事相信,凡事盼望,凡事忍耐。愛是永存不朽的。

Responsorial Psalm 係 As the Deer (Psalm 42:1) 小德既solo實在係震撼, Marcus一聽就話”天籟之音”! 好好聽, 成個Choir & Quartet都好夾! 我真係幸運有live music陪伴, 氣氛同感覺濃厚好多, 回憶亦會深刻d….

福音係聖若望福音 (15:12-17): 這就是我命令你們的:你們應該彼此相愛。
很有意思的一段, 相愛當中有很多意義, 兩個人結合都係因為有愛….

接著就係重要既時刻, 互相許諾、祝福及交換結婚戒指. 我….好開心, 無想喊, 只係想笑, 因為我知道我真係好幸運遇到會伴我行完人生呢條路既人….
Marcus:Vienna,我如今鄭重承認你作我的妻子,並許諾從今以後,無論環境順逆,疾病健康,我將永遠愛慕尊重你,終生不渝。願主垂鑒我的意願。
Vienna:Marcus,我如今鄭重承認你作我的丈夫,並許諾從今以後,無論環境順逆,疾病健康,我將永遠愛慕尊重你,終生不渝。願主垂鑒我的意願。

我結左婚啦! 哈哈, 呢個係一生一世既承諾, 感覺已經好唔同了! 讀起天主經既時候亦有被寵既感覺, 好感恩…

相方家長簽字既時候, 本身係大家等埋一齊上台, 點知神父自己行左去, 哈哈, 攪到大家都自己行上去, 好攪笑!! 樂隊就奏起Cantata, BWV 147, Jesu, Joy of Man’s Desiring, 一首我小時候已經好鍾意既音樂, 聽完會感覺到平靜同舒暢….

禮成了, 本來就可以行出去, 但係仲有一首好重要既歌要欣賞, 多謝Helen, 喉嚨唔舒服都幫我唱solo! 我眼見妹妹手上已經有mic了, 個心有d緊張…. Marcus一路聽一路問幾時開始要行, 我就同佢講留意歌詞啦~~Two words by Lea Salonga, 呢首歌我無意之中搵到, 一聽就決定呢首係我地既結婚歌, 多謝Jeanne幫我rearrange, 叻女!

話晒我都係一個音樂人, 當然要參與一下, Jeanne留左個尾俾我唱, 清唱, 我一開口就想喊, 忍住忍住….Marcus好似好surprised, 又好似扮鎮定, 哈哈, 仲之就望住我啦….呢幾句就係我想講既野….
Never with sadness…
Always with gladness…
‘I…DO….’

我見Marcus都眼濕濕ga, 又見到Carl喊左出黎添! 場面真係感人…跟住快樂既歌奏起, 我同Marcus就開開心心咁步行出教堂!
Last song: The Wedding

跟住當然係同大家影相啦, 好多人, 有D混亂, 哈哈…見到Vincent好努力咁幫我地安排親朋好友影相, 辛苦晒! 好多既祝福, 好多既笑面, 感激大家, 亦好開心天氣真係好好, buy viagra online 太陽伯伯睡醒了!

影左1個鐘之後大家都慢慢離去, 當然到拋花球既時候…之前同每一個姊妹都係講記住幫手接, 唔好俾個花球跌落地喎….哈哈…一二三 ~~ 恭喜妹妹!

影多兩張相就要開車返酒店了, 我好開心好開心…